01 İyul 2024, 18:49
AVRO-2024
Avropa Futbol Assosiasiyaları İttifaqının (UEFA) müfəttişi İngiltərə yığmasının yarımmüdafiəçisi Cud Bellinqemin davranışı ilə bağlı intizam araşdırması aparmağı planlaşdırır.
Matc.az xəbər verir ki, bu barədə UEFA-nın mətbuat xidməti məlumat yayıb.
Belə ki, iyunun 30-da Avropa çempionatının 1/8 finalında İngiltərə yığması Slovakiya yığmasını əlavə vaxtda 2:1 hesabı ilə məğlub edib. Bellinqem oyunu əlavə vaxta aparan qola imza atdıqdan sonra nalayiq jest göstərib.
Qeyd edək ki, AVRO-2024-ün 1/4 finalında ingilislər iyulun 6-da İsveçrə ilə qarşılaşacaq.