İngiltərə millisinin yarımmüdafiəçisi Cud Bellinqem AVRO-2024-ün 1/8 final mərhələsində Slovakiyanın qapısına vurduğu qolu dəyərləndirib. Matc.az xəbər verir ki, gənc oyunçu 2:1 hesabı ilə qalib gəldikləri görüşdə akrobatik tullanışını portuqaliyalı Kriştiano Ronaldo ilə müqayisə edib.

“Havada olanda düşündüm ki, yerdən təxminən altı fut yüksəklikdəyəm və Ronaldoya bənzəyirəm. Amma əlim yerdə idi. Buna görə də akrobatik şou deyildi. Yenə də gözəl idi. Dönüb nə baş verdiyini görəndə düşündüm ki, doğru deyil. Bu, şübhəsiz ki, karyeramın ən vacib və yaddaqalan anlarından biridi”, - deyə Bellinqem söyləyib.

Qeyd edək ki, İngiltərə yığması 1/4 final mərhələsində İsveçrə ilə qarşılaşacaq. Görüş iyulun 6-da keçiriləcək.