“Əsas məsələ topa sahib olmadığımız anları necə idarə etməkdi. Təşvişə düşməyənlər sakit qalacaq, topu geri qaytarmaq və ondan maksimum yararlanmaq fürsəti əldə edəcəklər”. Matc.az xəbər verir ki, bunu Almaniya millisinin kapitanı İlkay Gündoğan deyib.

Ulduz futbolçu AVRO-2024-ün 1/4 final mərhələsində İspaniya ilə keçiriləcək görüşdə nələrə diqqət yetirməli olduqlarını açıqlayıb: “Özümüzə güvənməməyimiz üçün heç bir səbəb yoxdu. Böyük komandamız, meydanda səmərəli şəkildə həyata keçirdiyimiz aydın planlarımız və ideyalarımız var. Bundan əlavə, komanda daxilində əlaqələrimiz yaxşı qurulub. Meydanda hamı bir-birini mükəmməl başa düşür”.

Qeyd edək ki, İspaniya - Almaniya matçı iyulun 5-də baş tutacaq.