Almaniya millisi Hertsogenaurahdakı təlim-məşq bazasını qorumaq üçün bir sıra tədbirlər görüb ki, İspaniya millisinin nümayəndələri 1/4 finalda baş tutacaq qarşılaşma öncəsi Bundestimin oyununun taktiki nüanslarını öyrənməsinlər.

Matc.az xəbər verir ki, bu barədə məlumatı “Bild” paylaşıb.

Bildirilir ki, təhlükəsizliyin təmin edilməsi məqsədilə təlim bazasının ərazisi, o cümlədən ora ən yaxın yollar atlı polis tərəfindən patrul edilir. Bundan əlavə, Almaniya yığmasının baş məşqçisi Yulian Naqelsmanın göstərişlərini və futbolçuların səsələrini eşitməmələri üçün yoldan keçən insanları cib telefonlarında yüksək səslə musiqi çalan təhlükəsizlik işçiləri müşayiət edir.

Xatırladaq ki, AVRO-2024-ün 1/4 final mərhələsinin İspaniya – Almaniya matçı sabah baş tutacaq.