UEFA İngiltərə millisinin yarımmüdafiəçisi Cud Bellinqemi cəzalandırıb. Buna səbəb ulduz futbolçunun AVRO-2024-ün 1/8 final mərhələsində Slovakiya ilə oyunda davranışı olub.

UEFA İngiltərə millisinin yarımmüdafiəçisi Cud Bellinqemi cəzalandırıb. Matc.az xəbər verir ki, buna səbəb ulduz futbolçunun AVRO-2024-ün 1/8 final mərhələsində Slovakiya ilə oyunda davranışı olub.

Belə ki, 21 yaşlı orta sahə oyunçusu qol vurduqdan sonra əlini qasıq nahiyəsinə tərəf apararaq ədəbsiz jest edib. Bellinqem sonradan bunu “dostlar üçün zarafat jesti” kimi izah edib. UEFA isə onu 20 min avro cərimələyib.

Qeyd edək ki, Slovakiya üzərində 2:1 hesablı qələbə qazanan İngiltərə yığması 1/4 finalda sabah İsveçrə ilə qarşılaşacaq.