İspaniya millisinin baş məşqçisi Luis de la Fuente AVRO-2024-ün 1/4 final mərhələsində Almaniya ilə keçiriləcək oyunöncəsi rəqibin sabiq qapıçısı Yens Lemannın fikrinə münasibət bildirib. Matc.az xəbər verir ki, mütəxəssis keçmiş qolkiperin ispanları “uşaqlar komandası” adlandırması ilə bağlı sualı cavablandırıb.

O, komandasını erkən final gözlədiyini söyləyib: “Biz onlara hörmət etdiyimiz kimi, Almaniya da bizə hörmət edir. Mən Lemannın açıqlamalarına qulaq asmadım. Bizdə hər şey balanslaşdırılıb. Bu oyun finala bənzəyəcək”.

Qeyd edək ki, bu gün keçiriləcək İspaniya – Almaniya oyunu Bakı vaxtı ilə saat 20:00-da başlayacaq.