Fransa və Argentina milli komandaları arasında 2024-cü ildə Parisdə keçirilən Olimpiya Oyunlarının futbol turnirinin 1/4 final oyunu baş tutub.

Matc.az xəbər verir ki, qarşılaşma fransızların 1:0 hesablı qələbəsi ilə başa çatıb.

Beləliklə, Fransa millisi 1984-cü ildən sonra ilk dəfə Olimpiadanın yarımfinalına yüksələ bilib.

40 il əvvəl keçirilən turnirdə fransızlar çempion olub. Onlar final görüşündə Braziliya millisindən güclü oldular - 2:0.

Fransa Olimpiadasının yarımfinalında Misirlə qarşılaşacaq. Oyun avqustun 5-də baş tutacaq. Digər yarımfinalda isə Mərakeş İspaniya ilə qarşılaşacaq.

Qeyd edək ki, 2024-cü il Olimpiadasında futbol turniri avqustun 9-dək davam edəcək. Son Olimpiya çempionu Braziliya yığması olub. Yaponiyada keçirilən turnirin finalında braziliyalılar İspaniya millisinə 2:1 hesabı ilə qalib gəlib.