İdmançılarımızla yanaşı Olimpiya oyunlarında güləş idman növü üzrə yarışların idarə olunmasında ölkəmizi Beynəlxalq dərəcəli hakim Asif Şirəliyev də təmsil edir.

Fransanın paytaxtı Parisdə keçirilən XXXIII Yay Olimpiya Oyunların davam edir.

Matc.az xəbər verir ki, idmançılarımızla yanaşı Olimpiya oyunlarında güləş idman növü üzrə yarışların idarə olunmasında ölkəmizi Beynəlxalq dərəcəli hakim Asif Şirəliyev də təmsil edir.

Ötən gün 87 kq çəki dərəcəsində Bolqarıstan təmsilçisi Semyon Novikovla İran İslam Respublikasının güləşçisi Əlirza Məhəmmədpiani arasında keçirilən final qarşılaşmasının idarə olunması həmyerlimiz Asif Şirəliyevə həvalə olunub. Şirəliyevin idarə etdiyi yarış bolqarıstanlı idmançının qələbəsi ilə başa çatıb.

Qeyd edək ki, Paris-2024 Olimpya oyularının güləş növündə, bu günə kimi finala çıxan təmsilçimiz olmayıb. Yunan-Roma güləşçimiz Həsrət Cəfərov (67 kq) bürünc medal qazana bilib.