Bir neçə icarə müqaviləsindən sonra mərkəz müdafiəçisi Kleman Lenqle “Barselona”nı tərk edir.

Matc.az xəbər verir ki, Lenqle “Atletiko” ilə müqavilə şərtlərini razılaşdırıb. Kataloniya klubu maaş hesabını yüngülləşdirmək üçün fransızı satmağa hazırdır və madridlilərdən təklif gözləyir.

Ancaq “Atletiko” əvvəlcə Joao Feliksi satmalıdır ki, Lenqlenti qeydiyyata ala bilsin. Portuqaliyalı ilə “Çelsi” maraqlanır. Yalnız Feliksin satışından sonra “Atletiko” Lenqlenin transferini reallaşdıra biləcək.

“Atletiko”dan başqa, “Villarreal” da 29 yaşlı mərkəz müdafiəçisi ilə maraqlansa da, o, Madrid klubu seçib.

Qeyd edək ki, ötən mövsüm Lenqle icarə əsasında “Aston Villa”da çıxış edib. Bundan əvvəl isə o, “Tottenhem”də bir mövsüm oynayıb.