Almaniya III Bundesliqasında XXXVI tur davam edir. Matc.az saytının məlumatına görə, milli komandamızın üzvü Rüfət Dadaşovun çıxış etdiyi "Proyssen" də növbəti oyununu keçirib.

Munster təmsilçisi səfərdə "Halleşer"lə üz-üzə gəlib. Qarşılaşma qonaqların 2:1 hesablı qələbəsi ilə yekunlaşıb.

Matça start heyətində başlayan Rüfət 90 dəqiqə meydanda olub.

Qeyd edək ki, 36 oyundan sonra aktivində 52 xal olan "Proyssen" turnir cədvəlinin 6-cı pilləsində qərarlaşıb.