Rusiya Premyer Liqasında növbəti mövsüm çempionlar Liqasında mübarizə aparacaq ilk klubun adına aydınlıq gəlib. Matc.az saytının məlumatına görə, çempionatın 27-ci turunda "Axmat"a qalib gələn "Zenit" ən yaxın izləyicisi ilə xal fərqini 9-a çatdırıb.

Bununla da Sankt Peterburq klubu sona 3 tur qalmış ilk iki yerdən birini özü üçün təmin edərək 2019/20 mövsümündə çempionlar Liqasının qrup mərhələsində mübarizə aparmaq şansı qazanıb.

Maraqlıdı ki, Sergey Semakın komandası artıq bu gün çempionluğu təmin edə bilər. Bunun üçün ikinci sıradakı "Lokomotiv"in məğlub olması lazımdır.