28 Noyabr 2024, 17:06
FUTBOL
FIFA milli komandaların növbəti reytinq cədvəlini açıqlayıb. Matc.az xəbər verir ki, bu ay Estoniya ilə heç-heçə edən (0:0) və İsveçə məğlub olan (0:6) yığmamız bir pillə irəliləyib.
Düzdü, komandamız 3,1 xal itirib. Ancaq bu, irəliləməyimizə mane olmayıb. Millimiz 1158,7 xalla 117-ci yerə yüksəlib.
Siyahıya 1867,25 xalla son dünya çempionu Argentina başçılıq edir. Fransa (1859,85) ikinci, İspaniya (1853,27) üçüncü sıradadı.
Qeyd edək ki, növbəti FIFA reytinqi dekabrın 12-də açıqlanacaq.