"Milan"ın yeni baş məşqçisinin adına aydınlıq gəlib. Matc.az saytı xəbər verir ki, bu barədə İtaliya mətbuatı məlumat yayıb.

Bildirilir ki, "Sampdoriya"nın çalışdırıcısı Marko Campaolo yeni mövsümdən "rossonyerlər"in "sükanı arxası"nda olacaq. 51 yaşlı mütəxəssis yeni komandası ilə 2 illik müqavilə imzalayacaq. Sözləşmədə müqavilənin daha 1 il uzadılması bəndi də yer alacaq.

Onun "Milan"da illik məvacibi 2 milyon avro təşkil edəcək. Bu məbləğ isə "Sampdoriya"dakı qazancından ikiqat çoxdu. Hazırda Xorvatiyada istirahətdə olan Campaolo iyunun 10-da İtaliyaya qayıdacaq və "Milan"la münasibətləri rəsmiləşdirəcək.