"Qəbələ"nin 11 yaşadək futbolçulardan ibarət komandası beynəlxalq turnirdə iştirak edəcək. Matc.az-ın klubun rəsmi saytına istinadən məlumatına görə, "qırmızı-qaralar" Polşanın Krakov şəhərində təşkil olunacaq "X Football Academy 21 Cup"da qüvvəsini sınayacaq.

Turnir iyunun 13-17-də keçiriləcək. Yarış Krakov şəhər meriyasının "Football 21" akademiyasının təşkilatçılığı, Miroslav Şımkovyak və Tomaş Frankovskinin dəstəyi ilə baş tutacaq.

Əvvəlki illərdə "Mançester Yunayted", "Mançester Siti", "Everton" (hamısı İngiltərə), "İnter" (İtaliya), "Borussiya" (Dortmund, Almaniya), "Valensiya" (İspaniya) kimi klublar da turnirə qatılıb.