FİFA prezidenti Canni İnfantino ABŞ prezidenti Donald Trampı dəstəkləməklə təşkilatın neytrallıq nizamnaməsini pozub.

Matc.az xəbər verir ki, bu barədə FİFA İdarəetmə Komitəsinin keçmiş sədri Migel Maduro "The Athletic"ə bildirib.

İnfantino əvvəllər dəfələrlə Trampla yaxın münasibətlərininin olduğunu bildirib və onun siyasətini tərifləyib. İnfantino ABŞ seçkilərinin nəticələrinə hörmət edilməli olduğunu bildirib və Trampın bütün seçki vədlərini yerinə yetirəcəyinə əminliyini ifadə edib.

"Düşünürəm ki, FİFA prezidenti seçkilərin nəticələrinə hörmət edilməli olduğunu deyə bilər. Lakin İnfantino daha da irəli gedib. Bəyanatının son hissəsində o, təkcə prezident Trampın legitimliyini qəbul etmir, həm də onun siyasi platformasını və hərəkətlərini dəstəkləyir və başqalarını onları dəstəkləməyə çağırır. O, ABŞ-dakı daxili siyasi müzakirələrdə mövqe tutur.

O, prezident Trampın legitimliyini qəbul edə bilsə də, demokratik cəmiyyətdə başqalarının onun siyasətinə qarşı çıxa biləcəyini də başa düşməlidir. Siyasi cəhətdən neytral qalmaq siyasi müzakirələrdə mövqe tutmamağı, hər kəsin prezident Trampın siyasətini dəstəkləməli olduğunu iddia etməyi tələb etmir", - deyə Maduro bildirib.

Maduro vurğulayıb ki, İnfantinonun açıqlamaları FİFA Etika Kodeksinin 15-ci maddəsini pozur.