MLS-in pley-off kubokunu qazanan "İnter Mayami ABŞ prezidenti Donald Trampla rəsmi görüşə hazırlaşır.

Matc.az xəbər verir ki, bu barədə məlumatı "The Athletic" paylaşıb.

Bildirilir ki, görüş gələn həftə baş tutacaq. Bu, hücumçu Lionel Messinin Ağ Evə ilk səfəri və Trampla ilk görüşü olacaq.

Messinin nümayəndəsi argentinalı futbolçunun bu görüş üçün komandaya qoşulacağını təsdiqləməyib.

Əgər Messi Ağ Evə səfər edərsə, bu, onun "İnter Mayami" oyunçusu kimi ilk səfəri olacaq. Ən çox "Qızıl top" mükafatı qazanan və 8 mükafatın qalibi olan Messi, 2025-ci ilin yanvar ayında keçmiş prezident Co Baydendən prezidentin Azadlıq medalını almağa dəvət olunmuşdu, lakin o, mərasimdə iştirak edə bilməmişdi.

Qeyd edək ki, "İnter Mayami" 2025-ci ilin noyabr ayında "Vankuver"i məğlub edərək MLS Kubokunu qazanıb. Bu, klubun 2020-ci ildə liqaya qoşulduqdan bəri ilk MLS Kubok qələbəsi olub.