Səudiyyə Ərəbistanının "Əl-İttihad" klubunun fransalı vingeri Mussa Diabi karyerasını Leverkuzen "Bayer"ində davam etdirəcək.

Matc.az xəbər verir ki, bu barədə Almaniya klubunun mətbuat xidməti məlumat yayıb.

Bildirilir ki, müqavilə 5 illik – 2031-ci ilin iyun ayının sonuna qədər nəzərdə tutulub. Transfer məbləği açıqlanmasa da, mətbuatın yaydığı məlumata görə, söhbət 30 milyon avrodan gedir.

Beləliklə, Diabi 3 illik fasilədən sonra "Bayer"ə geri dönüb. O, daha əvvəl 2019–2023-cü illərdə Leverkuzen klubunda çıxış edib. Bundan sonra 55 milyon avro qarşılığında "Aston Villa"ya keçib, 1 il sonra isə "Əl-İttihad"a satılıb.

Səudiyyə Ərəbistanında keçirdiyi 2il ərzində Diabi bütün turnirlərdə çıxış etdiyi 73 matçda 11 qol vurub və 33 məhsuldar ötürmə edib. 27 yaşlı vinger Fransa millisinin heyətində 11 oyun keçirib.