11 Mart 2022, 12:00
DÖYÜŞ NÖVLƏRİ

Bu gün üzgüçülük üzrə Azərbaycan çempionatına start veriləcək. Matc.az xəbər verir ki, 3 gün davam edəcək yarışda 140-a yaxın idmançı iştirak edəcək.
 
çempionatda 50, 100, 200, 400, 800 və 1500 metr məsafəyə sərbəst üsulla, 50,100, 200 metr məsafələrdə arxası üstə, brass və batterflay üsullarında mübarizə gedəcək.
 
Beynəlxalq üzgüçülük Federasiyasının, Gənclər və İdman Nazirliyinin, Azərbaycan üzgüçülük Federasiyasının Nizamnaməsinə və təsdiq olunmuş əsasnaməsinə uyğun olaraq keçirilən birincilikdə ölkənin 15 müxtəlif klubunun və idman cəmiyyətlərinin üzgüçüləri çıxış edəcəklər.
 
Yarışda İran İslam Respublikasının klublarının üzgüçüləri də qüvvəsini sınayacaq. Turnirin keçirilməsində məqsəd üzgüçülüyün təbliği, bu idman növünə marağın artırılması, kütləviliyin təşkili, o cümlədən 2022-ci il üçün beynəlxalq yarışlarda iştirak edəcək üzgüçülük üzrə milli kommandanın tərkibinin yenidən formaşaldırılmasıdır.
 
Qaliblər Gənclər və İdman Nazirliyi, Azərbaycan üzgüçülük Federasiyasının müvafiq diplomları ilə təltif olunacaqlar.

XƏBƏRİ PAYLAŞ
  • gplus
  • pinterest