Bu gün Yaponiyada keçirilən qadın voleybolçuların dünya çempionatına yekun vurulub. Matç.az saytı xəbər verir ki, turnirin son günündə üç həlledici qarşılaşma baş tutub.

öncə 5-ci yer uğrunda qarşılaşma keçirilib. 4 il öncə qazandığı çempionluğu itirən ABŞ meydan sahiblərinə 4 setdə qalib gəlib.

3-cü yer uğrunda görüş daha qısa sürüb. Son mundialın finalçısı çin Hollandiyanı üç setdə məğlub edərək bürüncə yiyələnib.

16 ildən sonra finala yüksəlib 2-ci çempionluq üçün mübarizə aparan İtaliya ilə Serbiya arasında qızıl medal uğrunda görüş daha gərgin keçib. Qarşılaşma tay-brekə qədər uzanıb. İlk dəfə finala yüksələn balkanlılar son mundialın 4-cüsün ilə dueldə iki dəfə hesabda geri düşsə də, sonda qələbə qazanıb. İlk dəfə dünya çempionu olan Serbiya bu titulu qazanan 7-ci komanda kimi tarixə düşüb.

Qeyd edək ki, mundialı II mərhələdən sonra başa vuran Azərbaycan millisi yarışı 15-ci pillədə bitirib.

Qadın voleybolçular arasında dünya çempionatı

20 oktyabr

5-ci yer uğrunda oyun

Yaponiya – ABŞ – 1:3 (23:25, 16:25, 25:23, 23:25)

3-cü yer uğrunda oyun

Hollandiya – çin – 0:3 (22:25, 19:25, 14:25)

Final

Serbiya – İtaliya – 3:2 (21:25, 25:14, 23:25, 25:19, 15:12)