Kilian Mbappe "Real"da ötən ayın ən yaxşı oyunçusu seçilib.

Matc.az xəbər verir ki, 25 yaşlı futbolçu Madird klubunda bütün turnirlərdə 5 oyununda iştirak edib, 6 qol vurub və 1 məhsuldar ötürmə edib.

Fransalı hücumçu sentyabr ayında "Real"ın ən yaxşı oyunçusu üçün səsvermədə cinah oyunçuları Vinisius Junior və Rodriqo Qoes, eləcə də müdafiəçilər Daniel Karvaxal və Eder Militaonu qabaqlayıb.

Xatırladaq ki, Mbappenin klubla hazırkı müqaviləsi 2029-cu ilin yayına kimi nəzərdə tutulub. "Transfermarkt" portalında futbolçunun bazar dəyəri 180 milyon avrodur.