Bu gün futbol üzrə Azərbaycan Kubokunda yeni mövsümə start verilib.

Matc.az xəbər verir ki, I təsnifat mərhələsinin ilk günündə iki oyun keçirilib.

Mövsümün açılış oyununda II Liqa təmsilçiləri "Şahdağ Qusar"la "Kür-Araz" üz-üzə gəliblər. Qusar təmsilçisi ilk hissədə hesabda geriyə düşsə də, oyunun sonlarına doğru 7 dəqiqə ərzində 3 qol vuraraq növbəti mərhələyə yüksələn tərəf olub. 

Günün digər görüşündə isə "Şəfa" "Saatlı-Araz"lını iki cavabsız qolla məğlub edib.

Qeyd edək ki, I təsnifat mərhələsinə 14 oktyabrda yekun vurulacaq.

Azərbaycan Kuboku
I təsnifat mərhələsi
12 oktyabr

14:00. "Şahdağ Qusar" – "Kür-Araz" - 3:1
Qollar:  F. Camalov, 73, 77, E. Quliyev, 79 // N. Məmmədov, 9
Hakimlər: İslam Məmmədov, Elmin Süleymanov, Mirnihat Seyidov, Rəsul Babayev.
Hakim-inspektor: Ceyhun Haşımov.
Şamaxı Olimpiya İdman Kompleksinin stadionu.

16:30. "Şəfa" – "Saatlı-Araz" - 2:0
Qollar: E. Nəsibov, 9, E. Rəhimli, 34
Hakimlər: Rövşən Rəcəbov, Rasim Axundov, Nurlan Əhmədzadə, Maqsud Şamıyev.
Hakim-inspektor: Gülağa Cabarov.
"ASK Arena".