Zaqreb “Dinamo”sunun yarımmüdafiəçisi Martin Baturina “Real”dan rəsmi təklif alıb. Matc.az xəbər verir ki, Xorvatiya millisi Madrid klubuna keçməkdən imtina edib.

“Kral klubu” 21 yaşlı oyunçu ilə 5 illik müqavilə imzaladıqdan sonra onu ilk 2 ildə La Liqanın digər klublarından birinə icarəyə verməyi planlaşdırıb. Lakin Baturina gələn mövsüm Top-klublardan birində möhkəmlənməyi hədəfləyir.

Futbolçu hələlik karyerasını davam etdirmək üçün Bundesliqanı ideal variant hesab edir. “Barselona”, “Atletiko” və “Mançester Siti” onunla yaxından maraqlanır.