"Nyukasl"ın müdafiəçisi Sven Botman əməliyyat olunub.

Matc.az xəbər verir ki, bu barədə Premyer Liqa klubunun mətbuat xidməti məlumat yayıb.

Niderlandlı futbolçunun üz sümüyü əməliyyatı uğurlu keçib. Onun yaşıl meydanlara qayıdacağı tarixlə bağlı məlumat verilməyib.

26 yaşlı mərkəz müdafiəçisi İngiltərə çempionatının XXXI turunun "Sanderlend"lə matçında (1:2) zədələnmişdi.

Qeyd edək ki, Sven Botman bu mövsüm "Nyukasl"In heyətində meydana çıxdığı 31 oyunda 2 qol vurub, 1 qol ötürməsi edib.