Qadın futbolçulardan ibarət Azərbaycan milli komandası bu gün dünya çempionatının seçmə mərhələsində dördüncü oyununu keçirəcək.

Matc.az xəbər verir ki, C Liqasının 3-cü qrupunda yer alan millimiz Andorra yığması ilə qarşılaşacaq.

Bakıdakı "Bank Respublika Arena"da təşkil olunacaq görüşü Bosniya və Herseqovinadan olan hakimlər briqadası idarə edəcək.

Qeyd edək ki, saat 17:00-da başlanacaq matç "İdman TV" vasitəsilə canlı yayımlanacaq.

DÇ-2027
C Liqası, III qrup
18 aprel (şənbə)

17:00. Azərbaycan – Andorra
Baş hakim: Vesna Miletiç
Baş hakimin köməkçiləri: Merima Homaraç, Nevena Markoviç
Dördüncü hakim: Senida Petak
"Bank Respublika Arena"