Qadın voleybolçulardan ibarət Azərbaycan millisi Avropa Liqasında mübarizəyə start verib.

Qadın voleybolçulardan ibarət Azərbaycan millisi Avropa Liqasında mübarizəyə start verib.

Matc.az xəbər verir ki, komandamız bu gün Bakıda keçirilən 1-ci mərhələ oyunları çərçivəsində İsveç yığması ilə qarşılaşıb.

Gərgin keçən qarşılaşma qonaq komandanın 3:0 hesablı qələbəsi ilə yekunlaşıb. İsveçli voleybolçular hər üç setdə üstünlüyü əldə saxlayaraq meydandan qalib ayrılıblar (25:19, 25:14, 25:23).

Qeyd edək ki, Bakıdakı mərhələ çərçivəsində sabah İsveç və Estoniya kollektivləri üz-üzə gələcəklər. Azərbaycan millisi isə növbəti oyununu iyunun 7-də Estoniya yığmasına qarşı keçirəcək.