06 İyul 2019, 01:45
ÇEMPİONLAR LİQASI

Avstriyada təlim-məşq toplanışını davam etdirən "Qarabağ" iki günlük istirahətin ardından UEFA çempionlar Liqasının 1-ci təsnifat mərhələsində qarşılaşacağı Albaniya çempionu "Partizani"ylə ilk oyunun hazırlığına start verib. Matc.az xəbər verir ki, Ağdam təmsilçisi günü iki məşqlə başa vurub. 
 
İlk məşq yerli vaxtla 11:00-da (Bakı vaxtıyla 13:00) başlayıb və saat yarım davam edib. Futbolçular bu məşqdə fiziki təmrinlər və toplu hərəkətlər üzərində çalışıb. İkinci məşq isə yerli vaxtla 18:00-da start götürüb. İlk məşqdən fərqli olaraq, bu məşqdə komanda isinmə hərəkətlərin ardından ikitərəfli oyun keçirib. 
 
Qeyd edək ki, zədəli futbolçular - Qara Qarayev və Rəşad Sadıqov zədələrini sağaldaraq komandaya qoşulub, yeni transfer Aylton Silva da komandayla ilk məşqinə çıxıb. 

XƏBƏRİ PAYLAŞ
  • gplus
  • pinterest