19 yaşadək qızlardan ibarət Azərbaycan yığması yubiley məğlubiyyətini yaşayıb. Matç.az saytı xəbər verir ki, komandamız Avropa çempionatlarının seçmə mərhələlərində 25-ci dəfə uduzub.

Millimiz Türkiyədə keçirilən 2018/19 mövsümünün seçmə mərhələsinə məğlubiyyətlə başlayıb. Meydan sahiblərindən alınan 0:2 hesablı yenilgi 25-ci olub.

Avropa səhnəsində 43-cü matçında bu qədər uduzan komanda qarşılaşmaların 59 faizindən xalsız ayrılıb. Yığmamızın hesabında cəmi 12 qələbə və 6 heç-heçə var. Top fərqi də komandamızın əleyhinədi – 40:132.