"Mançester Yunayted" itki ilə üzləşib. Matç.az saytı xəbər verir ki, mançesterlilər belçikalı hücumçu Romelu Lukakunun xidmətindən məhrum olub.

Futbolçu "Bornmut"la bugünkü qarşılaşmada da zədə səbəbindən iştirak edə bilməyib. 24 yaşlı forvard məşq zamanı kiçik xəsarət alıb.

Baş məşqçi Joze Mourinyo hücumçunun sağlamlığı ilə risk etməmək üçün onu səfər matçına aparmayıb. Mütəxəssis oyunçunun müayinədən keçməsini gözləməyi məqsədəuyğun sayıb.