Avropa Liqasında "Qarabağ"ın rəqibi olan İngiltərə "Arsenal"ının futbolçusu Aaron Remsi "Bavariya"nın maraq dairəsinə düşüb. Matç.az xəbər verir ki, Almaniya klubu yarımmüdafiəçini heyətinə qatmağa çalışır.

Münhen təmsilçisi 2019-cu ilin yayında "topçular"la müqaviləsi başa çatan uelslini azad agent kimi əldə etmək niyyətindədi. "Arsenal"ın Remsi ilə müqaviləni uzatmaq istəməməyi "Bavariya" üçün belə imkan yaradıb.

Qeyd edək ki, cari mövsümdə "Arsenal"da 13 oyun keçirən yarımmüdafiəçi 1 qol vurub.