Avropa Liqasında "Qarabağ"ın rəqibi olan Portuqaliya "Sportinq"inin yeni baş məşqçisi müəyyənləşib. Matç.az saytı xəbər verir ki, Lissabon təmsilçisini "Ayaks"ın sabiq baş məşqçisi Marsel Keyzer çalışdıracaq.

49 yaşlı hollandiyalı ilə 2021-ci ilin yayına qədər müqavilə imzalanıb. Amsterdam klubundan tanınan mütəxəssisin son iş yeri BƏƏ-nin "Əl-Cəzirə" komandası olub.

Qeyd edək ki, noyabrın 1-də Joze Pezeyrunu istefaya göndərən "Sportinq" müvəqqəti Tyaqo Fernandeşə tapşırılmışdı.