İtaliya A seriyasının VIII turunda "Udineze"nin qonağı olan "Yuventus" uğurlu seriyanı davam etdirib. Matç.az saytının məlumatına görə, Turin klubu bu turda da xal itirmədən yoluna davam etməyi bacarıb.

Rodriqo Bentakur (33) və Kriştianu Ronaldonun (37) 5 dəqiqə ərzində vurduqları qollar sayəsində "qoca sinyora" 8-ci qələbəsini əldə edib – 2:0.

"Yuve" bununla həm də öz rekordunu yeniləyib. Belə ki, komanda cari mövsüm ardıcıl 10-cu qələbəsini qazanaraq (A seriyası – 8, çempionlar Liqası - 2), yeni rekorda imza atıb.