26 Oktyabr 2020, 10:46
MPL

"Qəbələ" Azərbaycan Premyer Liqasının ilk dövrəsində hamıdan çox – 5 heç-heçə edib.
 
Matc.az Peşəkar Futbol Liqasına istinadən xəbər verir ki, ilk 7 turda bu qədər bərabərliyin qeydə alınması ölkə çempionatları tarixinin rekordunun təkrarıdır.
 
Bunadək 4 komanda startda belə sülhsevərlik nümayiş etdirib. İlk olaraq 1993/94 mövsümündə "Neftçi" yarışın başlanğıcında 7 oyunundan beşində 1 xal əldə edib. 2006/07 mövsümündə eyni göstəriciyə "Qarabağ" imza atıb. Dörd il sonra "Kəpəz" də startda 5 bərabərlik müəllifi olub. "Qəbələ"dən öncə son belə komanda "Bakı" olub. 8 il öncə -2012/13 mövsümündə "zolaqlılar" ilk 7 matçda 5 dəfə heç-heçə edib.
 
Qeyd edək ki, "Qəbələ" 7 oyunda 5 heç-heçə edib və 2 dəfə məğlub olub.

XƏBƏRİ PAYLAŞ
  • gplus
  • pinterest