"Barselona"nın futbolçusu Lionel Messi il ərzində vurduğu qolların sayını 50-yə çatdırıb. Matç.az saytı xəbər verir ki, argentinalı hücumçu bunu Primeranın "Levante" ilə görüşündə rəsmiləşdirib.

5:0 hesablı qələbəyə het-triklə töhfə verən Messinin sonuncu qolu 2018-ci ildə 50-ci olub. O, bu il yüzü yarılayan ilk futbolçudu.

Lionel qollardan 14-nü cari mövsüm Primerada vurub.

Qeyd edək ki, Messi 2003-cü ildən çıxış etdiyi "Barselona"da keçirdiyi 656 oyunda 572 qol vurub.