Futbol üzrə Avropa Liqasında 1/4 final mərhələsinin ilk oyunlarından sonra həftənin ən yaxşı oyunçusu müəyyənləşib.
 
Matc.az xəbər verir ki, İtaliyanın "Roma" klubunun qapıçısı Pau Lopes həftənin ən yaxşısı seçilib.
 
Bu barədə UEFA-nın mətbuat xidməti məlumat yayıb. O, komandasının Niderland “Ayaks”ı ilə səfər oyununda 2:1 hesablı qələbədə əsas pay sahiblərindən biri olub. 27 yaşlı qolkiper bu qarşılaşmada 8 qurtarış edib.
 
Həftənin ən yaxşısı adına “Slaviya”dan (Praqa, Çexiya) Tomaş Holeş, “Mançester Yunayted”dən Bruno Fernandes və “Vilyarreal”dan (İspaniya) Jerar Moreno da namizəd idi.

XƏBƏRİ PAYLAŞ
  • gplus
  • pinterest