24 İyun 2021, 11:02
FUTBOL

"Emreli ikinci hücumçu mövqeyində daha rahatdır, daim boşluq axtarır, açıq sahəyə çıxır. Bu gün kənara qaçaraq, topla çox təmin olunmadığı üçün geri çəkilib-çəkilməyəcəyini soruşdu"

"Mahir Emreli ikinci hücumçu mövqeyində daha rahatdır, daim boşluq axtarır, açıq sahəyə çıxır. Mahir bu gün (dünən-red) kənara qaçaraq, topla çox təmin olunmadığı üçün geri çəkilib-çəkilməyəcəyini soruşdu". Matc.az xəbər verir ki, bu sözləri "Legiya"nın baş məşqçisi çeslav Mixneviç Rusiya "Krasnodar"ı ilə yoxlama oyunundan (1:1) sonra millimizin üzvü Mahir Emreli haqda klubun saytına danışarkən deyib.
 
O, Polşa təmsilçininin yeganə qolunu vuran 24 yaşlı hücumçunu tərifləyib: "Mahir futbol oynamağı sevir. Ancaq o, geri gəlsə, hücumda heç kim qalmayacaq. Buna görə də həll yolları tapmalıyıq ki, onu irəlidə daha bir oyunçu gözləsin. O zaman oynamaq daha rahat olacaq, daha çox qol vuracaq və bacarıqlı olduğu üçün oyun quracaq".
 
Qeyd edək ki, Mahir bundan əvvəl Avstriyanın "Bişofshofen" klubunu 5:0 hesabı ilə qalib gəldikləri matçda het-trikə imza atmışdı.

XƏBƏRİ PAYLAŞ
  • gplus
  • pinterest