14 May 2022, 11:00
TOP OYUNLARI

Avropa çempionatının seçmə mərhələsinə hazırlığı davam etdirən 22 yaşadək oğlan voleybolçulardan ibarət Azərbaycan milli komandası Bakıdakı təlim-məşq toplanışını başa vurub. Matc.az xəbər verir ki, Eldar Əliyevin rəhbərlik etdiyi yığma bu gün Türkiyəyə yola düşüb. Komanda məşqlərin son mərhələsini Türkiyədə keçəcək.
 
Yığmamız qonşu ölkədə yoxlama matçında da qüvvəsini sınayacaq. Voleybolçularımız Ankarada hazırlıq çərçivəsində türkiyəli həmyaşıdları ilə də üz-üzə gələcək. Komandamız Avropa çempionatının 2-ci təsnifat mərhələsinə ev sahibliyi edəcək Kosovoya isə mayın 19-da Türkiyədən yollanacaq.
 
Avropa çempionatının 2-ci təsnifat mərhələsində komandamızın heyətində Nikulenko Yeqor, Rzazadə Mirəşrəf, Jenkel Ferhat, Verdizadə Mais, Qurski Roman, Məmmədov Mərdan, Həmidov Aslan, Bünyatov Yusif, Aşumov Emil, Əmirxanlı Emin, Ablou Amirmehdi və Həsənli Kənan çıxış edəcəklər. Milli komandamıza Eldar Əliyev rəhbərlik edəcək, Akif Vəliyev, Fərid Cəlalov və Ruslan Motorin isə ona kömək edəcəklər.
 
Qeyd edək ki, millimiz E qrupunda Kosovo, Niderland və Slovakiya ilə bir qrupda gücünü yoxlayacaq. Komandamızın ilk matçı mayın 20-də start götürəcək. Təsnifat mərhələsində 21 komanda 6 qrupda qüvvəsini sınayacaq. Qrup qalibləri və ən yaxşı ikinci yerin sahibi final mərhələsinə vəsiqə qazanacaq.
 
Aç-2022, Təsnifat mərhələsi
E qrupu
 
20 may
21:00. Azərbaycan – Kosovo
 
21 may
21:00. Niderland – Azərbaycan
 
22 may
21:00. Slovakiya – Azərbaycan

XƏBƏRİ PAYLAŞ
  • gplus
  • pinterest