"Neftçi" itki ilə üzləşib. Matc.az saytı xəbər verir ki, Topaz Premyer Liqasının lideri ukraynalı müdafiəçisi Kiril Petrovun xidmətindən məhrum olub.

Buna səbəb legionerin cəzalı duruma düşməsidi. "Zirə" ilə XVII turun bu gün keçirilən görüşündə (0:0) aldığı sarı vərəqə Kirilin mövsümdə 4-cü xəbərdarlığı olub.

Bu səbəbdən də ukraynalı XVIII turu buraxmalıdı. O, "Səbail"lə görüşdə komandasına kömək edə bilməyəcək.