24 Mart 2023, 14:16

Mahir Emrelinin formasını geyindiyi "Konyaspor" klubu Türkiyə Futbol Federasiyasının qərarına etiraz edib. Matc.az xəbər verir ki, Konya klubu bu barədə rəsmi saytı vasitəsi ilə məlumat yayıb.
 
"Konyaspor" İntizam Komitəsi tərəfindən 612 min 500 TL məbləğində cərimələnmələrinə təəccübləndiklərini qeyd edib:
 
"Bunun ədalətdən uzaq olduğu açıq-aydın görünür. Biz bu cəzaları başa düşə bilmirik. Lazımi müraciətimizi Arbitraj Məhkəməsinə təqdim edəcəyik. Sonadək haqlı mübarizəmizi davam etdirəcəyimizə heç kimin şübhəsi olmasın".
 
"Konyaspor" Super Liqanın 26-cı turunda "Qalatasaray"la oyunda baş verən insidentlərə görə cərimələnib. Mahir Emrelinin 79 dəqiqə meydanda olduğu və sarı vərəqə aldığı bu oyunda komandası 2:1 hesablı qələbə qazanmaqla İstanbul təmsilçisinin uğurları seriyasına son qoymudu.

XƏBƏRİ PAYLAŞ
  • gplus
  • pinterest