“Barselona”nın hücumçusu Robert Levandovski Polşanın Türkiyə ilə yoldaşlıq oyununda zədələnib.

Matc.az xəbər verir ki, ulduz futbolçu görüşün 33-cü dəqiqəsində meydanı tərk etmək məcburiyyətində qalıb. Onu Kaçper Urbanski əvəzləyib. Levandovskinin zədəsinin nə dərəcədə ciddi olduğu hələlik məlum deyil.

Yeri gəlmişkən, həmin qarşılaşmada daha bir polşalı hücumçu Karol Sviderski də zədələnib.

Qeyd edək ki, AVRO-2024-də Polşa Hollandiya, Avstriya və Fransa ilə eyni qrupda oynayacaq.