Almaniyada keçirilən 2024-cü il Avropa çempionatının 1/4 final mərhələsinin oyunlarına start verilib.

Matc.az xəbər verir ki, bu gün iki qarşılaşma keçirilib.

Günün ilk oyununda İspaniya Almaniya ilə üz-üzə gəlib. Görüşün əsas hissəsi 1:1 hesabı ilə başa çatıb. Əlavə olunmuş vatxda 1 qol vuran İspaniya ev sahibi komandanı turnirdən kənarlaşdıraraq yarımfinala yüksəlib.

Portuqaliya - Fransa matçında isə görüşün əsas və əlavə hissəsində qapılara qol vurulmayıb. Penaltilər seriyasında daha dəqiq olan fransızlar adını yarımfinala yazdırıb. Fransa millisi yarımfinalda İspaniya ilə qarşılaşacaq.

Qeyd edək ki, 1/4 final mərhələsinə sabah baş tutacaq iki oyunla yekun vurulacaq.

AVRO-2024
5 iyul
1/4 Final

İspaniya - Almaniya - 2:1 
Qollar: Olmo, 52, Merino, 119 // Virts, 89
Baş hakim: Entoni Teylor (İngiltərə).
Ştutqart, "MHP Arena".

Portuqaliya - Fransa - 0:0 (Pen- 3:5)
Baş hakim: Maykl Oliver (İngiltərə).
Hamburq, “Folksparkştadion".