"Real" ilk yay transferinə hazırlıqlar görür.

Matc.az xəbər verir ki, Madrid klubunun nümayəndələri "Real Sosyedad"ın yarımmüdafiəçisi Martin Zubimendinin agentləri ilə əlaqə saxlayıb və onu London "Arsenal"ı ilə müqavilə imzalamamağa razı salıblar.

"Topçular" Zubimendi-Merino ilə mərkəz cütlüyünü yenidən yaratmağa ümid edir. "Real" isə Martini həm dayaq yarımmüdafiəçisi, həm də qismən oyun qurucusu mövqeyində görür.

Londonlular futbolçu üçün 60 milyon avroluq satınalma maddəsindəki məbləği tam ödəməyə hazırdırlar. Madridlilər isə futbolçunun komandanın heyətində yer almaq istəyindən istifadə edərək, daha az ödəniş etməyi ümid edir.

Qeyd edək ki, İspaniya millisinin yarımmüdafiəçisi bu mövsüm "Real Sosyedad"ın heyətində bütün turnirlərdə 39 oyun keçirib, 2 qol vurub və 2 məhsuldar ötürmə edib.