"Real"ın baş məşqçisi Karlo Ançelotti İspaniyada vergidən yayınmaqda ittiham olunduğu üçün məhkəmədə ifadə verib.

Matc.az xəbər verir ki, bu barədə məlumatı "Mundo Deportivo" paylaşıb.

İtaliyalı mütəxəssis bildirib ki, Madrid klubu ona maaşının bir hissəsini imic hüquqlarına görə ödəniş şəklində almağı təklif edib.

"Mən yalnız 3 il ərzində "təmiz" 6 milyon alacağımı düşünürdüm. Nəyinsə yanlış olduğundan şübhələnmədim və prokurorluğun məni araşdırdığına dair heç bir mesaj almadım.

"Real" mənə imic hüquqlarından yararlanmaq barədə təklif edəndə ingilis məsləhətçimlə əlaqə saxladım və hər şey mənə normal göründüyü üçün təfərrüatlara fikir vermədim. Bunun saxtakarlıq ola biləcəyini düşünmədim".