"Mançester Yunayted" 25 yaşlı cinah oyunçusu Entoni icarə əsasında oynadığı "Betis"dəki uğurlu çıxışından sonra onu 40 milyon funta (47,6 milyon avro) sata biləcəklərinə əmindir.

Matc.az xəbər verir ki, bu barədə "inews" məlumat yayıb.

Bildirilir ki, braziliyalı futbolçu ilə Madrid "Atletiko"su, eləcə də İtaliya çempionatının bir neçə klubu maraqlanır.

"Betis" Antoninin icarə müddətini uzatmaq istəyir, lakin ispan klubu başa düşür ki, "qırmızı şeytanlar"ın şərtlərini yerinə yetirmək onlar üçün çətin olacaq.

Qeyd edək ki, Antoni ötən ilin yanvarında icarə əsasında "Betis"ə keçib. Bu müddət ərzində o, bütün turnirlərdə 12 matçda iştirak edib, 4 qol vurub və 4 məhsuldar ötürmə edib. 25 yaşlı cinah oyunçusunun Mançester klubu ilə hazırkı müqaviləsi 2027-ci ilin yayına qədərdir. "Transfermarkt" portalında futbolçunun dəyəri 20 milyon avrodur.