“Leypsiq” Oliver Qlasneri baş məşqçi təyin etməyi düşünür. Matc.az xəbər verir ki, avstriyalı mütəxəssis gələn mövsümdən Almaniya klubuna başçılıq edə bilər.

Qlasnerin nümayəndələri ilə ilk təmas artıq baş tutub. Əgər mütəxəssis “Leypsiq”ə qoşulmaq istəsə, klub “Kristal Pelas”a kompensasiya ödəməli olacaq. Çünki onun müqaviləsi 2026-cı ilə qədər qüvvədədi. Bununla belə, məşqçinin müqaviləsində çıxış maddəsinin olduğu bildirilir.

Qeyd edək ki, Oliver Qlasnerin rəhbərlik etdiyi “Kristal Pelas” hazırda İngiltərə Premyer Liqasında 12-ci yerdə qərarlaşır. “Leypsiq” isə bir müddət əvvəl Marko Rozenin istefasını elan edib. Mövsümün sonuna qədər komandanı Jolt Lev çalışdıracaq.