01 Aprel 2025, 19:39
FUTBOL
İngiltərə Premyer Liqasında mübarizə aparan "Vulverhempton" yarımmüdafiəçisi Joao Qomeşlə müqavilə müddətini uzadıb.
Matc.az xəbər verir ki, bu barədə klubun mətbuat xidməti məlumat yayıb.
24 yaşlı oyunçunun yeni sözləşməsi 2030-cu ilin iyun ayına qədər nəzərdə tutulub.
Qeyd edək ki, Qomeş 2 il əvvəl Braziliyanın "Flamenqo" klubundan "Vulverhempton"a keçib. "Transfermarkt" portalında futbolçunun dəyəri 40 milyon avrodur.