Türkiyə Kubokunda 1/4 final mərhələsinin oyunları keçirilir.

Matc.az xəbər verir ki, ikinci oyun günündə iki yarımfinalçının adına aydınlıq gəlib.

İstanbulda erkən final yaşanıb. "Fənərbaxça" doğma meydanda "Qalatasaray"ı qəbul edib. Gərgin mübarizə şəraitində keçən qarşılaşmada "sarı-qırmızılılar" üstün oyun nümayiş etdirərək qələbə qazanıb və mərhələ adlayan tərəf olub.

Günün digər qarşılaşmasında "Trabzonspor" "Bodrumspor"u matçın əlavə vaxtında vurduğu qolla məğlub edərək adını yarımfinala yazdırıb.

Qeyd edək ki, yarımfinalda "Qalatasaray" "Konyaspor"la üz-üzə gələcək. "Trabzonspor"un rəqibi isə "Beşiktaş" – "Göztəpə" cütünün qalibi olacaq.

Türkiyə Kuboku
1/4 final
2 aprel

"Trabzonspor" – "Bodrumspor" - 3:2
Qollar: Banza, 3, Eskihellaç, 21, Zubkov, 98 // Süleymanov, 15, Bardhi, 20
Qırmızı vərəqələr: Yokuşlu, 89, Mendi, 109 // Fredi, 79

"Fənərbaxça" – "Qalatasaray" - 1:2
Qollar: Şimanski, 45+1 // Osimhen, 10, 27 (pen)
Qırmız vərəqələr: Yandaş, 90+2 // Dəmirbay, 90+2, Yılmaz, 90+2