Almaniya millisinin baş məşqçisi Yulian Naqelsman AVRO-2024-ün 1/4 final matçında İspaniyaya məğlubiyyəti şərh edib.

Matc.az xəbər verir ki, o, bu barədə UEFA-nın mətbuat xidmətinə danışıb.

“İspaniyanı yarımfinala yüksəldiyi üçün təbrik edirəm. İlk hissədə oyun çox açıq keçdi. İkinci hissədə daha yaxşı idik, 60-cı dəqiqədən isə açıq-aydın gücləndik. Gecikmiş qolumuz layiqli qol idi.

Futbolçulara dedim ki, onlar yarışdan kənarlaşdırılmağa layiq deyillər. Hamımız ailələrimiz üçün darıxırıq, amma heç birimiz turniri tərk etmək istəmirdik. Bu son altı həftənin əvvəlindən milli komandada çox yaxşı ab-hava var idi. Demək olar ki, bu oyunda qalib gəlmək üçün hər şeyi etdik. İstər əsas heyətdə, istərsə də ehtiyat oyunçular skamyasında olmasından asılı olmayaraq, hər bir futbolçu qalib gəlmək üçün əlindən gələni etdi”.

Xatırladaq ki, almanlar əlavə vaxtda 1:2 (əsas vaxt 1:1) hesabı ilə məğlub olublar.