İspaniya yığmasının hücumçusu Dani Olmo Almaniya millisi ilə 2024-cü il Avropa çempionatının 1/4 finalında qazanılan qələbəni (2:1) şərh edib.

Matc.az xəbər verir ki, o, bu barədə UEFA-nın mətbuat xidmətinə danışıb.

“Çətin idi, çətin idi. Oyun əlavə vaxta qədər davam etdi və bu da çətin idi. Amma sonda qələbəyə layiq idik. Biz bu anı qeyd edirik və həzz alırıq.

Düzünü desəm, qol epizodunu özüm də yaxşı xatırlamıram. Hücuma keçdik və aşırma ötürmə etmək üçün məqam yarandı. Mən Xoselu və Mikel Merinonun cərimə meydançasına qaçdığını gördüm. Merino mənə hazır olduğunu işarə etdi. Hücumları yaxşı yekunlaşdırı və başla əla vurur. Və o işini gördü. Düşünürəm ki, bu, milli komandada mənim ən yaxşı günümdür”.