Almaniya millisinin köməkçi məşqçisi Sandro Vaqner AVRO-2024-ün 1/4 finalında İspaniya ilə oyundan (2:1) sonra hakimlərin paltardəyişmə otağına hücum edib və görüşün baş hakimi Entoni Teyloru yüksək səslə təhqir edib.

Matc.az xəbər verir ki, bu barədə məlumatı “Bild” paylaşıb.

Xatırladaq ki, bu görüşün 106-cı dəqiqəsində Bundestimin hücumameyilli yarımmüdafiəçisi Camal Musiala topu ispaniyalı müdafiəçi Mark Kukurellanın əlinə dəyib. Lakin Entoni Teylor bu epizod üçün penalti təyin etməyib.

51-ci dəqiqədə ispaniyalı yarımmüdafiəçi Dani Olmo cinah yarımmüdafiəçisi Lamin Yamalın ötürməsi ilə hesabı açıb. 89-cu dəqiqədə almaniyalı yarımmüdafiəçi Florian Virts Coşua Kimmixin ötürməsi ilə hesabı bərabərləşdirib. 119-cu dəqiqədə isə Merino Furia İspaniyanı hesabda irəli çıxarıb.

Turnirin yarımfinalında İspaniya millisi Fransa yığması ilə qarşılaşacaq. Oyun iyulun 9-da baş tutacaq.