"Zirə" klub tarixində 75-ci qələbəsini qazanıb. Matc.az saytının məlumatına görə, bu yubiley Topaz Premyer Liqasının XXVIII turunun "Sabah"la səfər matçına təsadüf edib.

"Əlincə Arena"da üç cavabsız qol vuran "qartallar" bütün turnirlərdə ümumilikdə keçirdiyi 168-ci matçda 75-ci dəfə qalib gəlib.

2014-cü ildə yaranan klub bu müddətdə 42 dəfə öz meydanında, 33 dəfə səfərdə qələbə qazanıb.

"Zirə" Premyer Liqada 47, Azərbaycan kubokunda 7, UEFA Avropa Liqasında 2, Birinci divizionda 19 dəfə qalib gəlib.

1-ci qələbə: 07.09.2014. Birinci divizion. "Zirə" – MOİK – 1:0

25-ci qələbə: 28.11.2015. Premyer Liqa. "Zirə" – "Xəzər Lənkəran" – 1:0

50-ci qələbə: 29.06.2017. UEFA Avropa Liqası. "Zirə" – "Differdanj" (Lüksemburq) – 2:0

75-ci qələbə: 11.05.2019. Premyer Liqa. "Sabah" – "Zirə" – 0:3